Keşiş: “Ölürdüklərim uşaq deyildi, onların daxillərində şeytan ruhu vardı” Nigeriyada 110 uşağı öldürməkdə təqsirləndirilən psixi xəstə tutulub Fox.az - ın məlumatına görə, Sunday Ulup-Aya adlı şəxs televiziyada yayımlanan bir sənədli filmdə “bədənlərindəki şeytanı çıxarmaq üçün 110 uşağı öldürdüm”, - deyib. Bu açıqlamadan sonra polis Sunday Ulup-Ayanın xidmət etdiyi kilsədə əməliyyat keçirib. Əməliyyat nəticəsində “uşaqların daxilindən şeytan çıxarılması” üçün istifadə edilən xeyli maddi sübut götürülüb. Manyak polisə ifadəsində “mən cadugər həkiməm, ancaq indiyədək öldürdüklərim uşaq deyildi, onların daxillərində şeytan ruhu vardı”, - deyə bildirib. Qeyd edək ki, Nigeriyada müxtəlif əlamətlərə inanclar geniş yayılıb. Bəzi ailələr uşaqlarının şeytani ruhların əlinə keçdiyini inancı ilə övladlarını kilsəyə aparaq, keşişlərdən onların bədənindən pis ruhların çıxarılmasını istəyirlər. “Şeytan çıxarma” prosesi zamanı bəzi uşaqlar öldürülür, bəziləri müxtəlif şəkildə cəzalandırılır. Hüquq müdafiəçiləri belə uşaqların hətta insan alverçilərinə satıldığını da bildirirlər.