Amerikalı plastik cərrah avtomobilini belə yanacaqla sürürmüş
    Amerikalı plastik cərrah öz avtomobilinə insan piyindən düzəldilən bioyanacaq doldururmuş. The Daily Mail qəzetinə istinadən verdiyi məlumata görə, piy liposaksiya əməliyyatlarından sonra qalırmış. Həkim ümumilikdə 7 minə yaxın belə əməliyyat həyata keçirib.

    Doktor Bittner bir neçə pasientinin ondan şikayət etməsindən sonra Boqotaya köçüb. Pasientlər bildirirlərmiş ki, Bittner xüsusi diplomu olmayan sevgilisinə əməliyyat keçirməyə icazə verirmiş. Bundan əlavə, o, xəstələrinin bədənindən tələb olunandan artıq piy çıxarırmış. Bu şikayətlərdən sonra cinayətkar həkimin əməlləri ortaya çıxıb. 

    ABŞ hakimiyyət orqanları Bittnerə qarşı cinayət işi qaldırıb. Onun başçılıq etdiyi klinika isə gözlənilmədən bağlanılıb, xəstəxananın saytı isə İnternetdən yığışdırılıb. Bittner özü isə iddia edir ki, pasientlərinin böyük əksəriyyəti onların piyindən yanacaq kimi istifadə edilməsinə razı olublar və radikal ekoloji proqramda iştirak etdiklərindən xoşbəxtlik duyduqlarını bildiriblər. O, bioyanacaq üçün kifayət qədər piy ehtiyatına malik olduğunu da bəyan edib.

    Bioyanacağı adətən bitki yağlarından hazırlayırlar. Amma ABŞ-da belə yanacağın təxminən yarısını heyvan mənşəli piylərdən * inək və donuz piyindən də düzəldirlər. Piyin yanacağa çevrilməsi zamanı həcmdə azalma baş vermir. Enerji dəyərinə görə isə belə yanacaq dizel yanacağından geri qalmır.