73 yaşında xərçəng xəstəliyindən vəfat edən, Tayvanın ən böyük mafiyasının rəhbəri olan Lee Çao-hsiungun dəfn mərasimi dövlət tədbirini xatırladıb.

Lent.az-ın “Reuters” agentliyinə istinadən verdiyi məlumata görə, Taiçung şəhərində keçirilən dəfn mərasiminə bu ölkənin nazirləri, millət vəkilləri, siyasətçiləri başda olmaqla, 20 min insan qatılıb. Yaponiya və Tayvanın tanınmış mafiyaları da dəfn mərasiminə təmsilçilərini göndəriblər.

Qeyd edək ki, kasıb bir ailədə dünyaya göz açan Lee Çao-hsiung beynəlxalq əlaqələri sayəsində mafiya dünyasında sürətlə yüksəlib. Bütün Asiya ölkələrində hörmətlə yanaşılan mafiya lideri xüsusilə qaçırılan iş adamları və siyasətçilərin sərbəst buraxılması ilə bağlı aparılan müzakirələrdə əsas rol oynayıb.

Lee Çao-hsiung milyonlarla dollarlıq sərvətinin 3 milyonunu xeyirxah işlərə xərcləməyi vəsiyyət edib.