Dell” şirkəti “Latitude E6410 ATG” adlı zərbəyədavamlı noutbuk təqdim edib.

Əvvəlki “Latitude E6410” versiyası bazasında yığılmış yeni portativ kompüter “MIL STD 810F” hərbi standartına cavab verir.

Standartda ətraf mühitin təsirinə qarşı davamlılıq göstəricilərinin xeyli artırılması nəzərdə tutulur. Burada söhbət əsasən mexaniki zədələnmə və ya temperatur və rütubətdən gedir. “Latitude E6410 ATG” “Core i5” və ya “Core i7” (i7-620M modelinə kimi) prosessoru, 8 Qb-dək DDR3 yaddaşı, quraşdırılmış “Intel” qrafikası, 500 QB-dək həcmli sərt disk, eləcə də DVD və ya Blu-ray optik toplayıcısı ilə təchiz olunur.

Noutbukun 14-düymlü genişformatlı displeyi 1280x800 piksel təsvir ölçüsünə malikdir. Bundan əlavə, burada b/g/n protokollarını dəstəkləyən “WiFi” və “Bluetooth 3.0” modulu da təqdim olunub. “Latitude E6410 ATG” noutbukunun komplektasiyasına “Dell Wireless 5620” (EVDO+HSPA+AGPS) və ya “Dell Wireless 5540” (HSPA+AGPS) genişləndirmə kartı daxil edilə bilər.

Bütün bunlarla yanaşı “Latitude E6410 ATG” sərt diskdəki məlumatların kənar müdaxilədən qorunması üzrə bir sıra vasitələrlə təmin edilib.
“Dell” şirkətinin yeni məhsulunun qiyməti 1779 dollardan başlayır.