“Hindustan Times”ın məlumatına görə, həmin şəxs ölkədə müqəddəs sayılan Varanasi şəhərinin yaxınlığındakı Çatav kəndində yaşayır. 63 yaşlı Kaliaş Sinqin 7 qızı var. Ancaq o, uzun illər oğlunun olmasını arzulayıb və hələ də bu arzu ilə yaşayır. Arzusunun gerçəkləşməsi üçün məbədləri, ziyarətgahları, müqəddəs yerləri gəzib.
35 il əvvəl məbədlərin birində kahin ona “əgər çimməsən, Tanrı sənə bir oğlan övladı verəcək”, - deyib. Sinq bu müddətdə heç bir dəfə də olsun, çimməyib. Ancaq 35 ildə arzusuna çatmayıb. Buna baxmayaraq, o, nə vaxtsa oğlunun olacağına inanır və bu ümidlə yaşayır.
Sinq mikroblardan qorunmaq üçün axşamlar ocaq qalayaraq, əllərini, ayaqlarını alovun üstündə gəzdirir. Bunları edərkən də nəşə çəkir.
O, 5 il əvvələ qədər dini ritualları yerinə yetirmək üçün müqəddəs Qanq çayına girirmiş. Ancaq özü ilə eyni evdə yaşayan qardaşı öləndən sonra bu adətindən də əl çəkib.
Əvvəllər meyvə-tərəvəz dükanı olan Sinq dükanını bağlamağa məcbur olub. Çünki ondan pis qoxu gəldiyi üçün heç kim Sinqlə danışmır, alver etmir.