Kaliforniyada keçirilən Yeni il şənliyində faciə baş verib. Santa Klaus qiyafəsində ziyafətə gələn 45 yaşlı Bryus Pardo ziyafətdəki insanlara tapançadan atəş açıb. Nəticədə azı 8 nəfər ölüb. Daha sonra “Santa Klaus” şənlik keçirilən evi yandırıb. Hadisədən bir neçə saat sonra qatil “Santa Klaus”un cəsədi qardaşının evindən tapılıb. Onun intihar etdiyi bildirilir. Hələlik, cinayətin motivləri məlum deyil. Bəzi məlumatlara görə, öldürülənlər arasında Pardonun keçmiş həyat yoldaşı da olub. Bu səbəbdən cinayətin qısqanclıq zəminində baş verdiyi ehtimal olunur.