Ən qədim “Rolls Royce” maşını Londonda keçirilən hərracda 7,2 milyon dollara satılıb. Beləliklə, qədim avtomobillərə məxsus dünya rekordu qırılıb. Bu avtomobil Çarlz Rolls və Frederik Royce əməkdaşlığa başladıqdan bir həftə sonra 1904-cü ildə istehsal olunub. Dünyanın müxtəlif hissələrindən maşını almaq istəyənlər olsa da, qədim maşın Böyük Britaniyada qalıb. Bu məlumatı Bonam hərracı rəhbərliyi təsdiq edib.
Auksionda müəyyən olunan dəyər 6.6 milyon dollar olsa da, komissiya və vergi haqqı da nəzərə alınarsa, britaniyalı maşın həvəskarı qədim "Rolls Royce" markalı maşın üçün 7.2 milyon dollar ödəməli olacaq.