Avstraliyada Naməlum Delfin növü qeydə alınıb.
Makkuori Universitetinin alimləri Avstraliya sahillərində yaşayan delfinlərin populyasiyasını öyrənərkən onların yeni növünü aşkar ediblər.Görünüşlərinə görə digərlərinə oxşayan yeni növ delfinlər DNT analizi sayəsində müəyyənləşdirilib.Genetik olaraq onlar daha çox Hind və Sakit okeanlarında yaşayan saravak (Lagenodelrhis hosei) delfinlərinə yaxındırlar.Alimlər ad verilməmiş bu yeni növ delfinlərin ekoloji cəhətdən çirklənməyə məruz qalan sahillərdə yaşamalarını nəzərə alaraq nəsillərinin tükənəcəyindən ehtiyyat edirlər.

Yuxusuzluq görmə qabiliyyətini zəiflədir.
ABŞ oftalmoloqları yuxusuzluğun bir sıra göz xəstəlikləri törətdiyi qənaətindədirlər.Meyodakı göz klinikasının mütəxəsislərinin fikrincə,yuxudan doymayan və mütəmadi yuxusuz qalan insanlarda görmə dumanlanır,gözlərdə narahatlıq yaranır.Bu hal bir sıra göz xəstəlikləri,o cümlədən korluqa nəticələnən qlaukoma xəstəliyini törədə bilər.Normal yuxu limitindən az yatan insanlarda işemik optik nevropatiya göz-sinir damarları zədələnməsi baş verir.Bu isə adətən bir gözün qəflətən və ağrısız kor olması ilə nəticələnir.

İngiltərədə Közərmə lampaları qadağan olunub.
Qadağa yeni ildən qüvvəyə minib.Yanvarın 1-dən İngiltərədə 75,100,150 vattlıq közərmə lampaları artıq satışdan yığışdırılıb.Onların yerini isə daha effektli və qənaətli lüminessensiya lampaları tutub.Xatırladaq ki,klasshik közərmə lampaları sərf olunan elektrik enejisinin yalnız 4 faizini işığa çevirir. Lüminessensiya işıqlanması isə daha az sərfiyyatlı,eyni zamanda uzunömürlü olması ilə seçilir.İlkin hesablamalara gorə,yeni lampaların tətbiqi İngiltərədə 8 milyard dollarlıq elektrik enerjisinin qənaətinə imkan verəcək. Lüminessensiya lampalarının yeganə qüsuru onların istehsalında ekoloji cəhətdən zərərli maddələrdən istifadə edilməsidir.Bu səbəbdən lampaların utilizasiyası üçün də yeni sistem yaradımasına ehtiyyac var.