Cinsiyyətini dəyişəndən sonra kişiyə çevrilən amerikalı Tomas Beati ikinci uşağını doğub. Lent.az-ın “The Daily Mail”a istinadən verdiyi məlumata görə, bu dəfə o, oğlan uşağı dünyaya gətirib.

Beverli-Hilz klinikasının doktoru Liza Masterson bildirib ki, belə şəxslər cinsiyyəti dəyişəndən sonra belə uşaq doğa bilərlər: “Çünki onlarda qadınlarda olduğu kimi uşaq doğmaq orqanları qalır”.

35 yaşlı Tomas Beati cinsiyyətini dəyişərək kişiyə çevriləndən və hamilə olduğu görünən şəkillərinin dərc edilməsindən sonra məşhurlaşıb. Təxminən bir il əvvəl – 2008-ci il iyulun 3-də onun qızı olub. Uşağı Syuzan adlandırıblar.

Noyabrda isə o, ikinci dəfə hamilə olduğunu açıqlayıb. Tomas Beati bildirib ki, doğuşdan sonra kişi harmonlarının qəbul edilməsini bərpa etməyib və bu səbəbdən də, yenidən uşağa qalıb: “Mən digər qadınlardan ancaq onunla fərqlənirəm ki, uşağımı döşümlə əmizdirə bilmirəm. Amma bir çox qadınlar da bunu etmirlər”.

Qeyd edək ki, Tomas Beatı cinsiyyətini dəyişəndən sonra evlənib. O, 46 yaşlı Nensi ilə ailə həyatı qurub və onlar özlərini normal heteroseksual ailə sayırlar: “Mən öz uşağımın atasıyam”.