Dünyada ən qoca itin 26 yaşı tamam olub. Bu barədə "The Daily Telegraph" qəzeti yazıb.
Maks ayamalı teryer ABŞ-ın Luziana ştatında yaşayır. Onun sahibləri Canel və Bill Derouenlərin itin anadan olduğu ili təsdiqləyən baytarlıq şəhadətnaməsi var. Hazırda onlar Maksın adının Ginnesin rekordlar kitabına düşməsi üçün çalışırlar.
İndi rəsmi rekord Nyu-Yorkda yaşayan Şanel ayamalı itə məxsusdur. Onun 2009-cu ilin mayında 21 yaşı tamam olub. Şanel Maksdan yaşca kiçik olsa da, sağlamlığı çox pisdir. İt demək olar ki, görmür. Bundan başqa o, həm də hərəkət etmir. Maks isə yalnız artrit və yüngül kataraktadan əziyyət çəkir.
Canel Derouen jurnalistlərə bildirib ki, əri ilə birlikdə Maksı yerli fermerdən 1983-cü ildə alıblar. Maks yalnız müəyyən markalı it yemləri və onun üçün xüsusi alınan sümükləri yeyir. Derouen bildirib ki, iti çox sakit və tələskən deyil. Nəzərinizə çatdıraq ki, 26 "it" ili təqribən 182 "insan" ilinə ekvivalentdir.