Hər il dünyada təkər istehsalına milyon tonlarla neft sərf edilir.

“Good Year”in açıqlamasına görə, bir avtomobil təkərinin ərsəyə gəlməsi üçün 30 litrə qədər neft məhsulu sərf edilir.

Biotexnologiya sahəsində ixtisaslaşmış “Genencor” firması və təkər istehsalçısı “Good Year”, problemdən çıxış yolu kimi bitki mənşəli maddələrdən istifadəni düşünür. Hər iki firma şəkər qamışı və qarğıdalıdan izopren almaq üçün sınaqlara başlayıb.

“Genencor”un mütəxəssisləri ilkin nəticələrin ümidverici olduğunu bildiriblər. “Good Year”də isə 5 ildən sonra hazır olacaq bu təkərlərin yol tutumunun daha yaxşı olacağını düşünürlər.

Yeni təkərləri işləndikdən sonra dəfələrlə təkrar emal etmək mümkün olacaq.