“Mançester Yunayted” klubunun hücumçusu Ueyn Runi İngiltərədə ilin ən yaxşı futbolçusu sayılıb.

Bu mövsüm 34 qol vuran Runi Peşəkar Futbolçular Assosiasiyasının sorğusunda Didye Droqba (“Çelsi”), “Karlos Teves (“Mançester Siti”) və Sesk Fabreqas (“Arsenal”) kimi oyunçuları geridə qoyub.

25 yaşlı forvard mükafatlandırma mərasimində bunları deyib: “Futbolçuların iştirak etdiyi səsvermə nəticəsində belə mükafat udmaq mənim üçün xoşdur və fəxrdir”. Ən gənc oyunçu adına Ceyms Milner (“Aston Villa”) layiq görülüb. Bu nominasiyada Runi də iştirak edib.

İngiltərə Premyer Liqasının simvolik yığması isə belədir: Co Hart (“Mançester Siti”), Branislav İvanoviç (“Çelsi”), Tomas Vermalen (“Arsenal”), Riçard Dann (“Aston Villa”), Patris Evra (“Mançester Yunayted”), Sesk Fabreqas (“Arsenal”), Ceyms Milner (“Aston Villa”), Daren Fletçer (“Mançester Yunayted”), Antonio Valensiya (“Mançester Yunayted”), Ueyn Runi (“Mançester Yunayted”), Didye Droqba (“Çelsi”).