Lent.az-ın “Qruziya Online” saytına istinadən verdiyi məlumata görə, bir neçə gün əvvəl köpək tərəfindən dişlənən Sakulevi kənd sakini əvvəlcə bu yaraya əhəmiyyət verməyib.

Vəziyyəti get-gedə ağırlaşan şəxs üç gün öncə “quduzluq” diaqnozu ilə Kutaisi İnfeksion Xəstəxanasına yerləşdirilib. Həkimlər öncədən xəstənin vəziyyətinin ağır və sağ qalmaq ehtimalının cüzi olduğunu bildiriblər. Üç gün sonra – 18 fevralda isə o, dünyasını dəyişib.

Bu, 2010-cu ildə Gürcüstanda “quduzluq” diaqnozu ilə birinci ölüm halıdır. Ötən il ölkədə 11 nəfər it dişləməsi səbəbi ilə dünyasını dəyişib.