ABŞ-ın Oklahoma ştatında avtodayanacaqlardan birində dayanmış 7 maşının üzərinə göydən daş yağıb.

«The Daily Mail» yazır ki, nə qədər qəribə səslənsə də, «daş yağışı»na da avtomobil səbəb olub. Dayanacağa bitişik hündür mərtəbəli qarajın 7-ci mərtəbəsində «Mercedes»in sürücüsü əyləci vaxtında basa bilmədiyi üçün maşının arxa hissəsi qarajın divarını deşərək, çölə çıxıb. 67 yaşlı sürücü deyib ki, o, maşını saxlamaq istəyən zaman ayağı qaz və əyləc pedallarının arasında ilişib və nəticədə vaxtında avtomobili saxlaya bilməyib.

Amma digər yandan, o, maşını hələ vaxtında saxlaya bilib. Əks halda yəqin ki, «Mercedes» də daşlarla birlikdə aşağıda dayanmış maşınların üzərinə düşəcəkdi…