ABŞ-da hər ikisinin 85 yaşı olan cütlük 48 il əvvəl boşanmışdı, ancaq bu günlərdə onlar yenidən evlənmək qərarına gəliblər.
ANN.Az-ın Türkiyə mətbuatına istinadən verdiyi xəbərə görə, Tennesi ştatının Çattanooqa şəhərində hələ 20 yaşları tamam olmayan Roland Devis və Lena Henderson cütlüyü evlənmiş və onların 4 uşağı olmuşdu.
Ancaq cütlüyün münasibətləri uzun çəkməmişdi, onlar 1964-cü ildə boşanmışdılar. Buna baxmayaraq, uşaqlarının istəyilə görüşən cütlük yaxşı dostluq münasibətləri qurmuşdu.
Cütlüyün münasibətləri Rolandın ikinci həyat yoldaşının ölümündən sonra yenidən istiləşib və onlar yenə bir-birinə aşiq olublar. Jurnalistlərə açıqlama verən Roland "bəli” cavabını aldıqdan sonra "Yenidən evlənə biləcəyimizi düşünürdüm”, – deyə etiraf edib.

ANN.Az